繁 
Telegram
微信
2022-08-09
自美國今年3月起加息後，息口加速向上，受息差因素影響，熱錢持續係本地銀行體系流出，最新已跌至1262億，數月間流失近半結餘， 香港加息壓力越來越高，供樓者負擔亦有所上漲。但銀行體系結餘，同美國息口，按息及聯系匯率有咩關係? 點解會環環相扣?銀行體系 結餘係指本港註冊銀行在金管局開設的戶口，每日結算後的餘額。係聯系匯率政策下，結餘的增減會因為市場的對港元資金流入或流出 而變化，若資金流入港元，即市場人仕買入港元，港元兌美元轉強，金管局會以7.75強方保証出售港元，貨幣基礎會擴張🪜，利率亦會因 此而下降，港元匯率再次回復穩定於保証範圍內而現時情況正好相反，由於美聯儲持續加息，投資者存錢於美元有較大利息回報，吸引資 金流入美元市場，息差擴闊下，港元體系結餘收縮，銀行間拆借利率己經向上，因此供樓者按揭供款需要歸還更多利息。市場普遍預期銀 行體系結餘下降至一千億以下，香港就需要開始加息，吸引市場資金回流香港，若香港依然唔加息，會發生咩事?倘若資金持續流走，香港 未有加息，資金繼續流失，會導致香港政府或金管局缺乏足夠儲備捍衛聯系匯率，最終迫使港府脫勾。情況就如97亞洲金融風暴，大鱷索 羅斯睇準亞洲多國新興市場未有足夠儲備捍衛匯率穩定，泰國、台灣等先後放棄維持匯率穩定，貨幣大跌是必然效果。這亦是經濟學上的三 元悖論，一個經濟體系若要保持開放，要固定匯率就不能自主決定市場利率。開放經濟、匯率及利率，三者只可三擇其二香港若要維持開放 經濟，又要聯系匯率，就必需最終跟隨美國息口變化。
2022-08-03
指數由69隻恒指成份股的市值計算出來的，代表了香港交易所所有上市公司的十二個月平均市值涵蓋率的63%。恒生指數成份股， 即是香港的藍籌股，由恒生指數有限公司負責計算及按季檢討，公佈成份股調整。近年恒指一直被詬病，市況低迷，長期跑輸環球， 好多年青人，甚至資產管理基金己轉炒美股或CFD市場，主要原因係市場唔夠公平，及人為揀股出現問題。早幾年，市場殼股買賣 熾熱，但好多只屬炒賣性質，剛上市企業股價經常潛水，又或新入殼企業與舊殼業務並無關係，聯交所最終整頓，最出名莫過於創 建集團除牌事件。妖股橫行再加上太多投機炒賣已傷盡好多股民既心，買賣殼熱潮減退下，更令股市變得水靜鵝飛另一個恆指長期 低迷原因係揀股出現嚴重問題，恒生指數公司每季檢討加減的成份股涉及人為因素，並非像標普指數完全跟一套基準設定，人為揀 股經常出現詬病，揀左己升既股票，有潛質既就偏偏無揀，導致經常出現染藍魔咒，一被選入成份股，股價就回落。主因就是人為 選股太差，經常摸頂才染藍，卻避開了剛起步有潛力的企業，導致恒指長期低迷。恒生指數又再跌穿20000點，就算唔係股民，亦令 好多退休人仕浪費了幾十年MPF的供款，相信改革恒生指數亦係未來所必需的
2022-07-01
回歸25週年 假日我地參考下呢25年黎， 本港一啲重要指標， 同國際產品價格既變化， 原來樓市升幅唔係最誇張 小編人工唔止追唔上樓價， 原來連個包都追唔上 若果當年按埋底褲買兩隻金勞定金幣可能仲可以食多25年包 每日學多啲， 散戶都變專家
2022-06-29
早前為大家講解過通脹既問題， 通脹好多時都見係經濟有所增長 但點解今次美國第一季GDP會錄得下滑， 一邊經濟收縮 一邊由物價狂升？ 通脹大致可分為Demand push inflation(需求推動)↗️及Cost pull inflation(成本推動)↖️ 今次通脹，除了因全球狂印銀紙外，疫情及俄烏戰事亦係影響之一，導致供應鏈嚴重失衡。環顧商品市場升幅🪙，能源及食物類升幅遠大於礦產，正正顯示俄烏戰事導致歐洲糧食及能源供應受限（烏克蘭係東歐糧倉，俄羅斯係歐洲能源供應大國），這亦代表今次通脹係由cost pull 所引起，供應鏈問題而出現通脹危機 上圖可見， 若是由需求帶動通脹↗️ 由於市場需求上升， 物價能與經濟增長同步上升 一年約2-3%通脹與增長同步上升係央行樂見的 但今次卻是供應鏈斷裂， 由成本推動通脹↖️ 全球供應減少， 物價上升， 卻見到經濟收縮 若持續出現， 會出現滯漲問題 經濟轉差， 但市民購買力卻持續減少， 可謂屋漏兼逢連夜雨 亦解釋點解今次通脹會兼見經濟衰退
2022-06-24
你知道全球通脹有多嚴重嗎？ 美聯儲主席鮑威爾這兩日出席參眾議員就貨幣政策作供， 言論多番肯定打壓通脹既決心 現時美國通脹環境處於40年最嚴重處境 40年前， 時任美聯儲主席伏爾克為控通脹， 曾瘋狂加息至20厘 要知道股神即巴菲特🥸的平均年回報約是30%， 但當時市場息率竟已達20厘， 時下好多基金經理都做唔到🥹 全球供應鏈斷裂及連續兩年🫗放水， 連一直垢病連年通縮既🇯🇵日本， 及計劃經濟既佼佼者🇨🇳中國， 通脹都高於2%， 亦即美聯儲目標通脹水平。 通脹過急會導致社會不穩定及貨幣系統崩潰 今日出糧發現購買力不斷縮減 甚至追唔上必需品剛性需求既升幅， 會更易導致工會同資本家既對抗 甚至有國家因為匯水貶值過快， 企業以糧食作為出糧用途 市民完全離棄貨幣交易系統。 作為政治任務， 相信美聯儲無論係加息步伐定係口頭干預， 都唔會咁快停落黎 每日學多啲， 散戶都變專家
2022-06-22
以往是經濟過熱，為應對通脹升溫才加息，但現時經濟不振但環球不斷加息為壓通脹，會對什麼資產造成影響？ 1. 利率上升推高借貸成本，增加公司營運壓力及家庭生活負擔 2. 利息增加，供樓壓力也增加 3. 帶動外來資金流入，本地貨幣匯率相對提升，雖有利入口但影響出口 4. 減少貨幣供應壓抑投資，股市下跌
2022-06-16
美聯儲最新點陣圖顯示美國息口仍會急速攀升，於2023年見頂，2024年將開始降息。究竟咩係點陣圖呢？點解會對息口 有所啟示?點陣圖(DOT PLOT)其實係一個圖像化方式記載FOMC 18位委員對未來利率水平既預測。圖中以0.25厘為一個 刻度。各成員對各年度利率的平均預期則以散點形式，標示在同一張圖上，每一點代表一名成員對利率的預期，從中可 以觀察各年度可能加息的次數。雖然點陣圖不是每年18位委員都有投票權，但由於美聯儲每年均會輪換投票權委員，因 此記錄全員意向亦會對未來息口帶來啟示。不過點陣圖就像投暗票一樣，沒有記名，因此亦成為盲點，息口最終結果可能 因應不同投票權既意向，而與點陣圖不同 每日學多啲， 散戶都變專家🎓
